Senegal yi si CS a treu!

Novembro 19th, 2007
Posted in Mobilidade, fronteiras, transporte
Comentarios desactivados en Senegal yi si CS a treu!

Amonnañ bena fetu senegale buñ don def si ap Centro Social a treu!

13116.jpg

13113.jpg

13121.jpg

13115.jpg

[ampla fotoreportaxe no CMI Galiza por Olholivre]

A pequena crónica que segue foi escrita por unha das compañeiras senegalesas que o pasado sábado xestionaron o CS a treu! nunha noite deliciosa, desas coas que probablemente moitas desde Senegal soñaban vivir en Europa cando migrasen. Unha reapropiación de moitos dos desexos i expectativas que proxectaron na súa fuga e que lles son negados con vileza.

Amonnañ bena fetu senegale buñ don def si ap Centro Social a treu! si Corunha. Bi ñu tambalé di tëu gëu djembe sila benna dëukëudon wo wa polis waye terewul ñu kontine fetbi ac musik fec nañ bu bax ak tubabyi al hamdulila hi ken yaxaluñu su ñu fet.
Diëureu dieuf wa CS a treu!

O outro día fixemos unha festa senegalesa no Centro Social a treu! na Corunha. O único problema que tivemos ocorreu cando unha veciña, molesta polo ruído, chamou á policía. Pero non pasou nada, seguimos ao noso, comemos e bailamos cos brancos coa música máis baixa.
Gracinhas polo CS a treu!

>video:

[kml_flashembed movie="http://www.youtube.com/v/2_RDbGNFSMs" width="425" height="350" wmode="transparent" /]

Festa senegalesa no CSA a treu!

Novembro 13th, 2007
Posted in Mobilidade, fronteiras, transporte
Comentarios desactivados en Festa senegalesa no CSA a treu!

>Sábado 17 a partir das 20:00hrs:

festa_senegalesa.jpg

Festa autoxestionada por compas senegaleses con pratos senegaleses cinco estrelas na guía autoxestionaria e exhibicións en directo de música e danza africana. Estás convidada!

Hacking the border line | cónica da deriva transfronteiriza

Setembro 4th, 2007
Posted in Mobilidade, fronteiras, transporte
Comentarios desactivados en Hacking the border line | cónica da deriva transfronteiriza

Rimas, faixas e coladas facían que onte os comercios da rúa real pechasen as súas portas ao paso da deriva transfronteiriza, que era agardada por compañeiras senegalesas nunha das tranversais para poder berrar xuntas que todas somos clandestinas, visibilizar o boicot á Área Comercial após das últimas agresións racistas, denunciar a manipulación dos medios de comunicación i esixir a libre circulación de toda persoa así como a libertación da cultura.

12178.jpg

[Ver fotoreportaxe no CMI Galiza por Olholivre]

>minuto a minuto da deriva:

20:00 Unhas 100 persoas no Teatro Rosalia para denunciar as persecucións discriminatorias cara os migrantes que están a traballar na rua Real.
20:30 A pesar da presencia de 4 carros da policía nacional decide-se seguir adiante coa marcha.
20:40 Fixeron-se varias accións ao longo do percorrido, unha parada en Zara lembrou as recentes declaracións do dependente do establecemento, Mario Suárez, nas que se queixaba de que a policía non vixiaba a zona.
21:00 Pendurou-se unha faixa chamando ao boicot da zona comercial do Obelisco.
21:15 Parada en De Pili Carrera (multinacional con sucursais en toda España, Mexico, Usa, Turquia)
21:20 Parada no Casino, onde as persoas hipócritas que acoden a este espazo miran mal aos migrantes mais son compradores habituais destes.
21:40 acto na opinión onde nos pecharon as portas, en este ponto solicitamos unha reunión co director baixo a ameaza que se non nos recibían faríamos unha campaña de denuncia, a única resposta foi que fixeramos unha carta ao director.
Cartaces e colantes ao longo de toda a rúa.

>video:

[kml_flashembed movie="http://youtube.com/v/O02sz2YzyCA" width="425" height="350" wmode="transparent" /]

>manifesto:
Mércores 29 de Agosto de 2007. Um desproporcionado dispositivo policial irrumpe com violencia (recordemos: armados, com cascos, esposas, uniformes militarizados) na rúa Real. Tras umha apariçom absolutamente agresiva e denigrante para todas aquelas que entendemos que ante todo, esta o simples direito de ser pessoa, os armados policias detenhem a um número nom clarificado de migrantes. Pessoas que som invisiviliçadas até o extremo de nom sabermos a día de hoje com certeça o número real de detençons e a situaçom final d@s detid@s.
A raçom de tamanho dispositivo; deter a quantos máis migrantes melhor. A excusa: a venta ambulante sem permiso de CD´s e DVD´s. O objetivo: amedrentar as migrantes, alimentar a alarma social e obedecer as demandas de empresarios que ganham miles de euros ao mes com as súas ventas e nom permitem que pessoas que tratam apenas de sobreviver estem preto dos seus negocios.
Pero nom só queremos aquí sinalar aos empresarios e grandes multinacionais (Inditex,.) como @s instigadores da redada racista.
Queremos sinalar também aos medios de comunicaçom da cidade que com aseveraçons do tipo `La presencia policial brilla por su ausencia ante la comisión evidente de los delitos ´ (Sara Vazquez, em La Opinión de A Coruña) apuntarom desde há semanas direitamente cara aos migrantes (sem recursos, sem defessa, sem direitos) como um corpo ao que `neutraliçar, criminaliçar e limpar´.
Queremos sinalar também aos empresarios que, como a `Área Comercial Obelisco´ sinalam, desde um racismo activo e evidente a `mala imagem que dam´ as pessoas que tratam de sibreviver vendendo apenas uns euros ao día.
Queremos apontar por ultimo direitamente contra o racismo institucional que disfraça com de folclore um problema social evidente polo que pessoas som rechaçadas `manus militaris´ nas fronteiras internas e externas da Europa Fortaleça. Apontamos cara ao racismo institucional que pom o estigma da delincuencia a aqueles que pola cor da pel o polo origem nom som invitados, apenas mál recibidos ou rechaçados, neste primeiro mundo evindete culpável das penurias económicas e vitais do resto do planeta. O Delegado do Governo, o sub-Delegado, os mandos policiais e políticos que reprimem com armas e violencia ante um `suposto delito´ como é a `piratería´ que enmascara a umha empresa (SGAE) que nom representa a grande parte dos creadores e que lucra-se abusivamente de impostos radicalmente alegais.
Com todo esto, com esta Deriva Transfroteiriça de hoje, queremos polo tanto reivindicar a liberdade de movimento das pessoas, a cultura livre e o livre acceso ao conhecemento e apoiar aos irmaos migrantes com @s que os movimentos sociais da cidade estaremos sempre mao com mao na súa luita por umha vida e polo tanto um mundo melhor.
Pola cultura libre!!!
Polo direito a viver, nom so a sobreviver!!!
Nenguma pessoa é ilegal!!!

Convocatoria | deriva transfronteiriza

Setembro 1st, 2007
Posted in Mobilidade, fronteiras, transporte
Comentarios desactivados en Convocatoria | deriva transfronteiriza

12128.jpg

En apoio ás compañeiras migrantes, ás que coactivamente se lles nega toda posibilidade de falar en voz alta para comunicar e denunciar públicamente as súas precarias condicións existenciais, convócase unha deriva transfronteiriza para expresar o rexeitamento social á acción policial do pasado mércores 26 na r/ Real da Corunha e pola libre circulación de toda persoa, sen distinción de raza nen condición socio-laboral.
Partirase desde o Teatro Rosalía de Castro, situado na propia r/Real, ás 20:00h do vindeiro luns 3 de setembro.

O proceso de globalización económica fai que a institución-fronteira, entendida como liña divisoria entre as diferentes soberanías nacionais se vexa difuminada. Non obastante, dase ao mesmo tempo un proceso de multiplicación das fronteiras, entendidas como un antinomadismo; unha fixación dos individuos a neo-apartheids xeográficos e sociais. A experiencia-fronteira contemporanea está atravesada, a máis, por unha guerra productora de orde e capital vía de afirmación de poder.

Actos como os acontecidos o pasado mércores, engadidos ás radicalmente inaceptabeis declaracións de quen ten boa parte da responsabilidade dos mesmos; a asociación de empresarios da Area Comercial Obelisco, así como o modo no que se veñen explicando desde varios medios de comunicacións as netamente pacíficas resistencias das migrantes, que siguen ocupando a r/Real para conseguir algo que levar á boca, merecen ser contestados por unha sociedade que exprese un rotundo rexeite destas fronteiras, exteriores ou intrametropolitanas, que son atravesadas de maneira diferente por blancos e ricos que negros e pobres.

Primeira resposta á acción policial contra as migrantes que venden na rúa Real

Setembro 1st, 2007
Posted in Mobilidade, fronteiras, transporte
Comentarios desactivados en Primeira resposta á acción policial contra as migrantes que venden na rúa Real

12124.jpg

[Ver fotoreportaxe no CMI Galiza por Olholivre]

r/Real corunhesa :: 21:00h ::
A comunidade migrante sigue amosando resistencia á vileza das que pretenden negarlle o acceso a esta rúa. Activistas do CS A Treu! e as Invisibeis comunícanlles que se vai a realizar unha acción a modo de contestación á actuación policial do pasado mércores e ás suas responsabeis.
Logo de agradecer a iniciativa, as compañeiras abandoan a rúa, esta vez libres e voluntariamente, para que minutos despois se pendure unha faixa coa lenda “NENGUNHA PERSOA É ILEGAL, ESTA GUERRA ÍMOLA PARAR” co apoio das persoas que a esa hora se atopaban na rúa, nun exercicio que servíu para demostrar que, por máis que coactivamente ás migrantes se lles negue a posibilidade de comunicar, existe aínda unha cooperación social que posibilita que estas non sexan silenciadas.

Peche do ciclo de verán do CSA a treu! e as invisibeis pola cultura libre.

Agosto 31st, 2007
Posted in Mobilidade, fronteiras, transporte, Saberes, cultura, información, comunicación
Comentarios desactivados en Peche do ciclo de verán do CSA a treu! e as invisibeis pola cultura libre.

12117.jpg

12119.jpg

[Ver fotoreportaxe no CMI Galiza por Olholivre]

As fascinantes creacións musicais de CANS DE CORREDOIRA, xunto coas accións de guerrilla da comunicación á OMC dos YES MEN, puxeron o peche á programación de cultura libre co ciclo de cine na rúa do CS A TREU e as INVISIBEIS desenvolvemos durante o mes de agosto.
Neste peche de programación quíxose escenificar tamén unha primeira resposta á brutal acción policial contra as migrantes que estaban a vender na rúa Real a noite anterior. Víctimas dun novo modo de guerra, productora de orde a nivel global, as vidas das compañeiras migrantes constitúen unha resistencia no día a día ás identidades e ós espazos que de modo predefinido lles son asignadas, é por iso que non cesaremos de buscar as vías para evitar o fraccionamento dun corpo social capaz de artellar infinitas alternativas ao modo capitalista de socialidade/producción.

POLA CULTURA LIBRE E A LIBRE CIRCULACIÓN! ABAIXO AS FRONTEIRAS!

Nova razzia na Rúa Real

Agosto 30th, 2007
Posted in Mobilidade, fronteiras, transporte
Comentarios desactivados en Nova razzia na Rúa Real

Na noite de onte un macrodispositivo policial con 30 axentes do Corpo Superior de Policía desenvolveu unha “redada contra o top-manta”[El País] na rúa Real que rematou coa detención de 13 migrantes. Acusanos de delictos contra a propiedad intelectual e industrial, delictos que son castigados con penas de entre seis meses e dous anos de prisión.
A redada foi impulsada polas denuncias dos comerciantes da Árera Comercial Obelisco que levan semanas apoiandose nos mass media para facer unha campaña de presión racista.
Activistas da cidade estamos a traballar xa na resposta. Pola liberdade de movemento, móvete!

Cine de verán no Campo da Lenha

Agosto 5th, 2007
Posted in Saberes, cultura, información, comunicación
Comentarios desactivados en Cine de verán no Campo da Lenha

ciclo_cine_veran.png

Proxeccións de balde todos os xoves a partir das 22:00h no Campo da Lenha.

Programación agosto:

– xoves 9>The take |A.Lewis+N.Klein| 2004
– xoves 16> In this world |M. Winterbottom| 2002
– xoves 23> Okupacións e centros sociais [diferentes traballos audiovisuais]
– xoves 30> The yes men |D. Olman+S. Price+C. Smith| 2003

CSA a treu! & invisibeis pola cultura libre!

Imaxes da mani queer-precaria

Agosto 1st, 2007
Posted in Xéneros e sexualidades
Comentarios desactivados en Imaxes da mani queer-precaria

Durante preto de duas horas, un numeroso grupo declarou unha zona temporalmente autónoma nas ruas da cidade da queerunha, ca forza do orgullo, a festa e a raiba, dirixidas en clave de celebración dos novos xeitos de desenrolar a máis vella das loitas: a emancipación do individuo e do conxunto social.

11623.jpg

11624.jpg

11625.jpg

11626.jpg

11627.jpg

11628.jpg

[fotoreportaxe no CMI Galiza por Olholivre]

Un sound-system montado nun camión, bailes e cánticos, faixas e diversas accións co claro obxetivo de deconstruir a terrible doble moralidade que se agocha nas escuras esquinas do noso ser autónomo e social. De non sair de nengún armario, senón de rompelos todos, de superar as lóxicas de xénero que a día de hoxe falan en clave de dominación, na procura dunha sexualidade difusa, desexante, libertina e libertaria que de xeito radical proclama a liberdade como principal procura, os afectos e a determinante necesidade de rematar co réxime patriarcal que emprega o concepto de unidade familiar coma célula de control social,berrando para expresar un rexeite absoluto a un modelo social integrado na producción coma un feito complexo, onde traballo, ocio, relacións,… son un todo alienante e desmovilizador, co que se debe rachar dende a mesma base.

Parabéns a todas as participantes,…. nunca o terrorismo foi tan divertido!!

E xa sabedes, coito anal contra o capital!!

Acción precária na queerunha

Xuño 30th, 2007
Posted in Vivenda, especulación i espazos liberados
Comentarios desactivados en Acción precária na queerunha

Acción de desobediencia desenrolada polos colectivos maribolheras prekarias, invisíbeis e prekarias en loita.

116161.jpg

11614.jpg

11613.jpg

[Ver fotoreportaxe no CMI Galiza por Olholivre]

Durante máis dunha hora, desenrolouse na rua un obradoiro de creación de faixas para os protestos da manifestacción da tarde, así como para a mellora do aspecto da fachada dun emblemático edificio corunhés, antes pertencente á igrexa e agora nas maos dunha inmobiliaria que pretende apoderarse de toda a mazá de edificios históricos e moito máis armoniosos para un urbanismo habitabel, e convertila nun novo crime en clave de edificios de luxo.

Música e performatividade como aperitivo para unha mani, a desta tarde do sábado 30 de xullo, que fala en clave de desobediencia e rebeldía, e que durante duas horas cambiará os ritmos da cidade, mudando a corunha por queerunha, a normalidade pola trasgresión da norma,

Okupando a rua, okupando os espazos, liberando as nosas vidas…