Crónica urxente | Okupación e desaloxo da panificadora de Vigo
Hoje (activistas coordenados de todo o pais) caminhamos pola senda que nos marca o vieiro colectivo da liberaçom vital colectiva. Tras varias jornadas previas de (auto)conhecimento e potenciaçom das sinergias colectivas, activistas de toda Galiza ocupamos de jeito coordenado, o edificio da v/belha panificadora na centro da cidade de Vigo. Levamos a praxe, tras um processo comunitario que anuncia novas jornadas de liberaçom, umha ocupaçom de um espaço de alta intensidade especulativa. Um espaço que demostra as claras a nula intencionalidade das instituiçons municipais (que manha nos chamam a sutil legitimaçom) em ponher no campo da gestom de base os infinitos espaços em desuso que temos na metropoli atlántica (Galiza) que habitamos.
Hoje ocupar é ejerçer pola vía do consenso, o único jeito de vida que pode antojar-se lógico: o da rebeliom ante a impositiva fractalidade de leis e dispositivos represivos que tratam de governar as nossas vidas, afogar os nossos espaços, liquidar a nossa contruçom antagonista.
Hoje, preto de 50 activistas de diversos grupos pola vivenda, polos espaços liberados e de autoorganizaçom das precarias, liberamos por um tempo determinado um territorio morto. Dimos-lhe a sinal de saida a um processo vital que, nos leva desde a defessa dos Centros Sociais até a autoorganizaçom dos processos da autonomía dos movimentos.
Tras a chegada da polícia local (despistada, desorganizada pero perfeitamente lista para a violencia punitiva) decidimos aguantar o tempo acordado em assembleia e (tras a efectuaçom total da nossa acçom reivindicativa..) passar página e continuar escrevendo este fimde semana de autogestom e (re)lançamento da aliança organizativa em torno aos espaços liberados.
Este é, tam so o primeiro passo. Estamos em todos lados; seguimos caminhando cara a nossa ultima realidade: a da liberaçom radical e a insurgencia colectiva.
Seguide atentas aos nossos medias…. na Galiza, de hoje até sempre: Okupaçom